منتديات بنوته - عرض مشاركة واحدة - سلاسلك [ تضيع - تتعقد

03-25-2012, 09:28 PM

نــورة تعرفين وين راح سلسالي الفضي؟
- لا ما شفته دوريه يمكن تحت الدّولاب.

،

- أمّي أبغى هذا السّلسال مرة حلو ممكن تشترين لي إياه؟
- والسلسال الي شريناه الأسبوع الي فات وين راح؟
- ضـــــــــاع!

،

- سـارة تعالي لو سمحتِ.
- طيب وش تبغين؟
- أبغى سلسالي الأزرق بس حطيته في العلبة مع السلاسل الثانية وتعقّد معاهم تعالي تكفين فكي لي العقدة.

،

مشكلة تؤرق الكثير من الفتيات محبات السّلاسل(ومنهم أنا) ، ولذلك عصرت مخي عشان ألقى طريقة حلوة وسهلة تغنينا من وجع الرّاس ، وما تحتاج منّك إلّا كم دقيقة ، عشان تكون سلاسلك دائماً قدام عيونك ومرتبة وكلش ، بس تحتاجين كم غرض متواجدة بكل منزل:

[غطـاء علبة كرتون]

[مقـص]

[دبـابيس]

[كراسـة ورق ملوّن]

،

أوّلاً: غلّفي غطاء علبة الكرتون بأيّ لون من الورق الملون على حسب ذوقك ، ممكن يكون مخطط ولا دوائر ، إلي تشوفينه مناسب.

ثانياً: جيبي الدبابيس وحطيها صف واحد في أعلى الكرتون المغلّف.

ثالثاً: علقي الكرتون بأي مكان ، ممكن على الجدار أو داخل الدّولاب.

رابعاً: علقي سلاسلك على الدّبابيس و .. انتهينـا.

،

عسى الفكرة أعجبتكم ، وما راح تشيلون همّ إذا اشتريتوا سلاسل بعد اليوم.

تسعدني ردودكم وتقييمكم ، ودّي.