هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
فوكسي | مكافآت كازينو على الإنترنت بقلم : فوكسي  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
07-22-2010, 04:38 PM
| #1 (permalink) | |||||||||
|
مستشار المؤسس ~  
|
( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم تعلن الخطوط الجويه السعوديه عن اقلاع رحلتها رقم 2954 والمتجهه بإذن الله من مطار الملك عبد العزيز بجده الى مطار الملك خالد بالرياض في المقعد رقم 32A يجلس نواف (( نواف شاب سعودي طويل القامه عريض المنكبين ملامحه حاده يرتدي الزيئ السعودي المعتاد يعمل في مدينة الرياض وأسرته في مدينة جده )) تتقدم نوره بهدوء (( نوره فتاة سعوديه متوسطة الطول قمحية البشره وجهها دائري وعيناها واسعتان جمالها فاتن متوسطة الوزن في هذه الرحله ترتدي عباءه سوداء ونقاب عائده الى الرياض بعد زياره استمرت اسبوعين لأختها التي تسكن مع زوجها في جده)) تحمل في يدها كرت الصعود الذي يحمل الرقم 32B تتردد في الجلوس ولعدم وجود مقعد آخر بديل تجلس نوره بجوار نواف يرمقها نواف بعينه لسان حاله يقول (( هلا والله )) تجلس نوره نواف يدير وجهه للأمام يربطون الأحزمه بإنتظار الإقلاع مضيف الطائره يعطي توجيهات حول إجراءات السلامه يتذكر نواف انه لم يغلق هاتفه المحمول يخرجه من جيبه ويخطف نظره أخرى من جارته نوره تنظر الى الأمام ولم تلقى بال لجارها المتطفل بنظراته تقلع الطائره ترتفع عاليا لتودع عروس البحر الأحمر تطفأ إشارة ربط الأحزمه يبدأ المضيفون بتوزيع الصحف نواف يطلب صحيفة الشرق الأوسط يتجاوز الصفحات السياسيه والإجتماعيه ويتوقف عند (( الكلمات المتقاطعه )) يخرج قلمه من جيبه ليستعرض ثقافته امام جارته التى مازالت لاتحس بوجوده 1- أفقي : عاصمة فنزويلا لايعرفها ويتجه الى : 1- عمودي : العنصر الأساسي في تركيب الفحم بعد التفكير يكتب (( كربون)) يستنتج نواف ان الحرف الأول من عاصمة فنزويلا هو ( ك ) يحاول ان يستعيد ذاكرته لا يستطيع بعد لحظة هدوء يجد نواف الحل ولكنه ليس عاصمة فنزويلا الحل : ان يستعين بجارته قرر نواف ان يوجه لها السؤال ولكن تخونه الجرأه كلما هم بالسؤال يتردد ويقول في نفسه (( أخس يانواف وش بلاك متردد )) ( واحد اثنين ثلاثه ) لوسمحتي نوره تنظر بسرعه وفي عينيها نظرات الدهشه الممزوجه بالغضب نواف يبتسم ويأخذ نفس ويأشر بأصبعه على الجريده: ممكن عاصمة فنزويلا ؟ نوره تنظر الى الإمام ولاتنظق بكلمه ثم تعود وتنظر مره أخرى الى الجريده وتجيب بصوت خافت : كراكاس نواف : what ..؟ نوره بتذمر : كراكاااااااااس نواف : لحظه اشوف تراها ستة حروف ؟ كاف . راء . الف .كاف . الف .سين صحححححححححححححح نوره تبتسم في داخلها وتقول : ادري انه صح نواف يكتب الحروف وصوت نوره يتردد في أذنه كراكااااااااس كراكااااس كراكااس وبعد ان يكمل حروف العاصمه يتجه الى 2- عمودي: آله وتريه يجاوب بسرعه ربابه 3 - عمودي : أمير الشعراء بسرعه أيضا .. أحمد شوقي 4 - عمودي مغلق 5- عمودي : نسيم الصباح بالفارسي نواف لايعرف الجواب ويفكر بالاستنجاد بجارته ويقول لنفسه (( بسألها بس أكيد ماتعرف )) وبدون تردد : لو سمحتي كلمه معناها نسيم الصباح بالفارسي أول حرف ألف من أربعه حروف نوره : تنظر باتجاهه ولكن ليس الى وجهه وتجيب وتجيب بسرعه (( أياز )) نواف : وشو .؟ نوره تصمت وتنظر في المقعد الذي أمامها نواف : وهو محرج طيب ممكن تكملين انتي وانا اتابع .. نوره : بكتب لك هذي وانت كمل نواف : سمي نوره تكتبها نواف قبل ان تكمل الحروف : خلاص انا مابكمل اذا مابتكملين تصفحي الجريده ايزي نوره : لا خلاص بكمل نواف وهو مبتسم : اذا صعب عليك شيء إسأليني خصوصا بالرياضه نوره تبدأ تكمل الكلمات المتقاطعه دون الحاجه إلى نواف نواف بعد دقائق يشعر ان مربعات الكلمات المتقاطعه سوف تمتلئ بالحروف عندها حبل الوصل بينه وبين جارته سوف ينقطع نواف : ماشاءالله عليك وقبل ان ترد نوره يأتي المضيف ليقدم وجبة الغداء تضع نوره الجريده في الجيب الخلفى للمقعد الذي أمامها يتناول كل منهما الغداء في صمت وبعد فروغهما من الغداء نواف يلاحظ ان نوره لم تخرج الجريده ولم تكمل الكلمات المتقاطعه يتردد بعد طول صمت نواف : ليش ماتكملين ؟؟ نوره : انتهيت نواف : طيب هاتي بشوف يمكن عندك أخطاء نوره : لا انا متأكده نواف : طيب دامك واثقه هاتي اشوف نوره وهي مبتسمه : تفضل نواف : ماشاءالله عليك عبقريه ؟ نوره : شكرا من ذوقك نواف : ممكن سؤال نوره : تفضل نواف وهو ينظر الى يديها الموضوعتان فوق بعضهما : من وين لك الثقافه هذي؟ نوره لاتجد جواب وتقرر الصمت نواف : أقصد بسأل عن مستواك العلمي نوره : انا طالبه بالجامعه .. وانت ؟ نواف : انا موظف بالإتصالات نوره : وين ؟ نواف : بالرياض .. وانتِ وين؟؟ نوره : بالرياض نواف : انا بحتفظ بالجريده ممكن ؟؟ نوره : ليش ؟ (( بخاطرها تقول انا شدخلني )) نواف : عشان فيها خط ايدك نوره تشعر بالحرج وتقول : خط قلمك يضحكان جميعاً يقطع ضحكهما إشارة ربط الأحزمه استعداداً للهبوط الجميع صامت يفكر في جميع ماقال وسمع تهبط الطائره وبعد الوقوف تماما تغادر نوره مقعدها متجهه لباب الطائره نواف لايعلم ما الذي جعله جالس الى الآن لم يلحق بها ولم يقل لها كلمة ((حمدلله على السلامه)) وبعد أقل من دقيقه يقول لنفسه : (( حراام تفووت )) يلحق بها على عجل وقد أخرج كرت شخصي له مكتوب رقم هاتفه المحمول وإسمه يقترب بسرعه من نوره في الممر الذي يخرج من الطائره بعد ان كاد يفقدها يمشي بجوارها ويفاتحها قائلاً :الجريده معي نوره تسارع خطواتها نواف : الجريده ذكرى من عندك وانتِ خذي الكرت هذا ذكرى نوره تزيد من سرعة خطواتها نوره دون ان تنظر الى نواف :اقول تراني مانيب منهم نواف : طيب خذيه ممكن تحتاجيني نوره تلاحظ إصرار نواف الذي قد يلف انتباه الماره وتأخذ الكرت وتقول لنفسها (( اول ماطلع من المطار برميه )) نواف يباطئ من خطواته تاركاً نوره تضيع في زحمة الماره والد نوره وشقيقتها الأصغر دلال يستقبلانها بالمطار ((والد نوره اسمه عبدالرحمن وهو رجل أعمال له من الابناء ولد واحد وثلاثة بنات الولد اسمه خالد متزوج ويسكن أيضا في الرياض ويعمل مع والده . اما البنات الكبرى اسمها أمل وهي التي تسكن مع زوجها في جده نوره هي الوسطى بين البنات والصغرى دلال وتعتبر دلال أخت وصديقه لنوره دلال فتاة طويلة ذات جسم ممشوق شعرها اسود وطويل لا يوجد في أقربائهم من تنافسها في الجمال تشترك مع نوره في صفاتها الشخصيه مثل الهدوء والذكاء والثقافه , نوره ودلال تحضيان باهتمام من والديهما وتعيشان حياه مرفهه وجميله )) نوره : السلام عليكم عبدالرحمن (( والدها )) : وعليكم السلام دلال : وعليكم السلام حمدلله على السلامه وحشتيني تتقدم دلال لتستلم حقيبة نوره ثم يتجهون الى سيارتهم المتوقفه في مواقف المطار نوره تركب في المقعد الامامي بجوار والدها ودلال بالخلف دلال : والله لك وحشه البيت بدونك مايسوى عبد الرحمن: احم احم نوره تضحك قليلا ثم تقول : امي كيفها دلال : الحمدلله تمام وهي بعد اشتاقت لك توني عرفت انها تحبك أكثر مني نوره : لاياشيخه عبدالرحمن : انشاء الله استانستي بجده نوره : الحمدلله ثم تذكر نوره الكرت الذي كانت تنوي ان ترميه في سلة المهملات بالمطار ولكنها لم تذكره الا بالسياره ويستمر الصمت قليلا عبد الرحمن : بنتي اليوم مو على عادتها نوره : ليش ؟ عبد الرحمن : اشوف اجاباتك مختصره انتي على خبري بدون مانسألك تقولين لنا السالفه من بداية الرحله لنهايتها نوره : لاحقين بقول لكم كل شيء دلال : يبه لاتوصي انا الضحيه بتغثني الحين بسواليفها إبتسامه من الجميع يعقبها صمت حتى تتوقف بهم السياره أمام منزلهم وكان في إستقبالهم والدتهم (( والدة نوره إسمها العنود وهي ام وزوجه ناجحه تساهم مع زوجها في خلق جو أسري جميل )) العنود : هلا بالغاليه نوره : هلا يمه وحشتيني بعد استقبال حار تتجه نوره الى غرفتها لتبدل ملابسها تخرج كرت نواف من حقيبتها الصغيره وهي تريد التخلص منه تدخل دلال فجأه نوره تضع الكرت تحت وسادتها دلال : وين الهديه ؟؟؟؟؟؟؟ نوره : شوي شوي خرعتيني ..بعدين وش هديته وين انا رايحه باريس كلها جده واسبوعين دلال : مو لازم هديه اهم شيء انتي كيفك نوره : دلال ممكن تتركيني انام دلال : آسفه نوره : والمطلوب مني الحين ؟؟ دلال : تنزلين معي امي تنتظرك نوره : طيب انزلي دقايق واجيكم دلال : قلت لك آسفه نوره : دلال وش فيك اليوم ؟؟ دلال : لاتلوميني مشتاقة لك نوره تبدل ملابسها وتنزلان لتكملان بقية اليوم مع والدهما ووالدتهما ثم تعود نوره الى غرفتها ليلا وهي مرهقه وترتمي على السرير وتغط في سبات عميق تصحوا الصباح وتذكر الكرت الموجود تحت الوساده ولكنها هذه المره تمسكه في يدها وتستعيد شريط ذكرى الرحله رقم 2954 تبتسم في داخلها عندما تتذكر إصرار نواف على أن يكون علاقه معها ولكنها تقطع إبتسامتها وتقول لنفسها (( حمدلله انا وش مخليني افكر فيه )) هاتفها يرن قبل ان ترد تضع الكرت في خزانة الملابس تنظر الى هاتفها رقم غريب نوره : هلوو طوط طوط طوط نوره : احسن فكه ثم تخرج لترى هل أحدهم قد صحى من نومه ؟؟ لا أحد تعود الى غرفتها وتخرج الكرت وتمسكه في يدها بعد تردد تخزن الرقم الموجود فيه في هاتفها المحمول بإسم ( أحلام ) وتلقى الكرت في سلة المهملات بعد تفكير متردد تقرر ان تتصل بنواف هي لاتريد ان تتكلم ولاكن الفضول دفعها هل يتوقع اتصالي وتقول لنفسها (( بدق واترك الخط مفتوح بشوف شيقول يتوقع انا او لا ؟ )) تتصل نوره ترررررررن تررررررررن نواف : مرحباا نواف : هلوووو نواف : هلووووو نواف : يابو الشباب تكلم يوووووووووه من هالحركات طوط طوط يغلق الخط تعاود الإتصال ولكن هذه المره تريد الحديث ولكن لاتريد ان يعرف أنها من رافقته من جده الى الرياض ترررررررررن تررررررررررررن نواف يفتح الخط قائلاً : وبعدييييييييييييييين | |||||||||
  |
|
07-22-2010, 04:41 PM
| #2 (permalink) | |||||||||
|
مستشار المؤسس ~
| 
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم ** الجزء الثاني ** نوره تحاول ان تتكلم ولكن الخجل يمنعها من الحديث بعد تردد طوط طوط طوط تغلق الخط تخطر على بالها فكره وتبتسم ثم تتصل ترررررررررن ترررررررررن نواف : لاحول الواحد مايرتاح بنومه نوره بصوتها الناعم : هلا نواف : أهلين نوره :اقول هلا موجوده ؟؟ نواف : وهو يضحك لا أهلين موجوده !! نوره : طيب آسفه على ازعاجك نواف يحاول يبين لها انه غير منزعج : لاااااااااا لا ازعاج ولا شيء عادي نوره : مع السلامه نواف : يعني مايصير تزعجيني من نومي وتقولين مع السلامه كذا نوره : هههه انت تقول عادي مافيه ازعاج والحين تقول ازعجتيني .. اقول مع السلاامه نواف يحاول ان يتكلم طوط طوط طوط جوال نوره الرسائل الوارده = 1 تفتح الرساله نوره " مايصير كذا تقفلين بوجهي وانا ماقلت مع السلامه " تحس نوره بالندم وترسل له مسج عاجل بدون تفكير جوال نواف الرسائل الوارده = 1 يفتح الرساله نواف " تعرف عاصمة فنزويلا؟ " نواف يكاد يطير من الفرح هي هي هي وربي هي يتصل بسرعه يجد الجوال مغلق يقول لنفسه (( البنت هذي بتجنني من البدايه )) يتصل مره أخرى بعد ربع ساعه تررررررررن ترررررررررن ترررررررررن تررررررررررررررن تررررررررن لم يتم الرد يعاود الاتصال ترررررررن ترررررررررررن ترررررررررررررن نوره تفتح الخط ولاكن لاتتكلم نواف : السلام عليكم نوره .......... نواف : رد السلام واجب نوره : وعليكم السلام .. كنت تتوقع اني أتصل ؟؟ نواف : ماكنت اتوقع بس مافقدت الأمل نوره وهي تحاول ان تبرر اتصالها : بس حبيت اشوف ترى انت تنتظر اتصالي يعني فضول نواف : أحلى فضول نوره ...... نواف : تصدقين ؟ نوره : وشو نواف : اكلمك واناظر بخط ايدك نوره : وين ؟ نواف : نسيييييييينا ؟؟ نوره : اهاا ذكرت نواف بعد صمت : انا مستانس كثير عشان سمعت صوتك نوره : الله يسلمك نواف : الله يخليك نوره : الله يعافيك ههههههه نواف : هههههههههههه نوره : باااي اهلي صحوا نواف : متى أكلمك نوره : لاتتصل انا أتصل فيك باااااااي نواف : بااااي تغلق نوره هاتفها وهي مبتسمه وتسأل نفسها (( وش اللي خلاني أكلمه انا اول مره اسويها بس هذي آخر مره واذا اتصل مابرد عليه)) نواف يستلقي على سريره ويغمض عينيه ويعيش لحظات جميله من الهدوء والتأمل يقول لنفسه (( ماني مصدق اتصلت .. انا اقول لها مافقدت الامل وانا ماكان عندي أمل انها تتصل عاد الحين مابقفل جوالي مادري متى تتصل )) اليوم الأول يمر دون ان تتصل نوره اليوم الثاني كذلك نواف يعيش في قلق يفكر في الإتصال ولكنه يذكر انها قالت (( لاتتصل انا اتصل فيك )) نواف مخاطباً نفسه (( ليش ماتصلت يعني تبي تعلقني والا حصل لها شئ ؟ والله بتصل واللي يصير يصير )) ترررررررررن تررررررررررررررن تررررررررن نوره : دقايق واكلمك انا جالسه مع اهلي باااااااي نواف بنبره حزينه : باي طوط طوط تذهب نوره الى غرفتها وتتصل تررررررررن نواف يرد بسرعه لأنه كان في إنتظار المكالمه : هلا والله نوره : بقول لك شيء بس لاتزعل نواف : خير انشاءالله نوره : فكرت كثييير باللي سويته واعرف اني مسويه شيء خطأ ضد مبادئي ولايناسب تربيتي أرجوك انسى رقمي نواف وقد ذابت أحلامه : لايكون زعلتك بشئ بدون قصد نوره : لا والله بالعكس انت انسان محترم أتمنى لك التوفيق بس انا ماقدر اكلمك هذا مو طبعي نواف : اوكي اللي تشوفينه نوره : مع السلامه نواف : مع السلامه نوره لاتغلق الخط ونواف كذلك نوره وهي تكاد تخنقها العبره : ليش ماتسكر ؟؟ نواف : سكري انتي نوره : مع السلامه طوط طوط طوط تغلق نوره الخط وعيناها قد اغرورقت بالدموع نواف يعيش لحظات من الحزن ويقول لنفسه (( اليوم اتضايق بكره انسى انشاءالله )) يمر يوم الغد دون ان ينساها وجميع مادار بينه وبينها يدور في مخيلته وتمر اسبوعين ونواف لم ينس نوره ونوره لم تنس نواف نواف يصحى من نومه مذعور بعد مرور اسبوعين ويومين عندما رأى في منامه ان نوره تناديه نوااااااااف لاااتتركني ينتظر حتى الصباح بدون تردد يتصل على رقم نوره تررررررررررن ترررررررررن ترررررررررن نوره تفتح الخط نواف يضع أغنية أحلام أحتاجك أنا :- والله احتاجك انا خلك بجنبي قريب وان حصل شيء بيننا عن حياتي لاتغيب نوره تستمع بصمت نواف لايتكلم أحلام تغرد الى ان تصل:- ياللي شفت احلامي فيه والتقيت بأحلى جنه ادعوا ربي وارتجيه ربي لاتحرمني منه نوره تصرخ قائله : خلااص سكررر الاغنيه نواف يخفض الصوت الى أدنى مستوى ويستمع الى نوره وهي تتنهد يعلم انها تعاني مايعاني نواف يفاتحها قائلا : ماقدرت اصبر نوره ......... نواف :ولا دقيقه غبتي عن بالي نوره ......... نواف : لاتتركيني نوره : وانت اوعدني ماتتركني نواف : وعد.. وانتي بعد اوعديني نوره : وعد نواف : الغريب اني للحين ما أعرف اسمك نوره : طيب قول انت اول نواف : انا سألتك اول طيب قولي وشو اول حرف نوره : نون .. وانت وشو اول حرف من اسمك ؟؟ نواف : نون .. طيب وشو ثاني حرف من اسمك نوره : واو .. وانت وشو ثاني حرف من اسمك نواف : ههههههههه لايكون اسمك نواف نوره : انت اسمك نواف ؟؟ نواف : yes وانتي اسمك .. نوال ؟؟ نوره : لاااااا نواف : طيب والحرف الثالث نوره : الحرف الثالث نوره نواف : عاشت الاسامي ثم يبدأ كل منهم يعرف الثاني على نفسه نبذه من حياة نواف ونبذه من حياة نوره تستمر المكالمه 4 ساعات نوره : يلااا بسكر الحين متى اكلمك نواف : أي وقت نوره : اوكي بااااي نوااف نواف : بااايااات نوره طوط طوط طوط نواف يرتمي على السرير والابتسامه في محياه نوره تخرج من غرفتها وهي تغني :- ياللي شفت احلامي فيه والتقيت بأحلى جنه ادعوا ربي وارتجيه ربي لاتحرمني منه في نفس اليوم ليلا تتصل بنواف وتستمر معه في مكالمه استمرت 3 ساعات واليوم الثاني كذلك والثالث اسبوع اسبوعين ثلاثه شهر شهرين والحال على ماهو عليه مكالمات يوميه ولكن الأعظم من المكالمات هو الشعور الذي تكنه نوره لنواف من الحب العارم نوره تخاطب نفسها نواف يحبني ؟ والا مايحبني ؟ لو يحبني ليش مايصارحني ؟ لو مايحبني ليش يكلمني طول هالمده ؟؟ تتصل نوره على نواف الساعه الواحده والنصف ليلا طوط طوط طوط مشغول بعد دقيقتين : طوط طوط طوط طوط مشغول بعد عشر دقائق طوط طوط طوط طوط مشغول بعد نصف ساعه طوط طوط طوط مشغول بعد مرور ساعه وعشر دقائق ترررررررررررن ترررررررررررررن نواف يفتح الخط : هلاااااااااااااااا نوره : من كنت تكلممممممممممم ؟ نواف مبتسما : وعليكم السلام نوره : من كنت تكلممممممممممممممم ؟؟ نواف : طيب ممكن تهدين وانا بقول لك على كل شيء نوره : قول نواف : والله والله كنت اكلم امي بجده نوره : انت حلفت وانت ماتكذب نواف : ممكن اسألك نوره ؟؟ نوره بصوت منخفض : اسأل نواف : ليش تغارين علي ؟؟؟ نوره : مو غيره بس اخاف عليك نواف : من ايش تخافين على ؟؟ نوره : من مكالمات آخر الليل نواف مبتسما ً : اهااا نواف وقت أيقن ان نوره تحبه نواف : نوره شرايك بالحب ؟؟ نوره : انا احب امي احس نواف ان نوره لازالت غاضبه عليه وقرر ان يصارحها بحبه لها نواف : نوره بقول لك شيء كنت متردد اقوله نوره : تفضل نواف : نوره انا ........ ........ نوره : انت وشو نواف : انا بسكر الحين بكلمك بعد شوي نوره : مو هذا اللي كنت بتقوله نواف : كيف عرفتي ؟؟ نوره : انت تقول انك كنت متردد نواف يشعر بالحرج : طيب بسكر الحين واذا كلمتك بعد شوي اقول لك نوره : طيب نواف : بااااااااي نوره : باي طوط طوط طوط نواف يفكر ويفكر ويفكر ويقول لنفسه (( والله لقول لها احبك الحين لين متى وانا مخبي عليها )) نوره تفكر وتقول لنفسها (( وش كان بيقول ؟؟وليش سألني عن رأيي بالحب ؟؟ شكله حس اني احبه ويبي يبين لي انه مرتبط مع بنت من أقاربه بجده .. لا لا مو معقول ماقال انه خاطب او يفكر بخطوبه ..)) وأثناء تفكير نوره يتصل نواف تررررررن ترررررررن نوره : هلاا نواف : نوره انا احبك نوره ....... ......... نواف يحس انه قد أساء تقدير مشاعرها (( شكلها ماتحبني ليش ساكته )) نواف وقد احمر وجهه ويمسك السماعه بيد مرتعشه : نوره ليش ساكته ؟؟ نوره : بسألك سؤال نواف وهو يشعر ان قلبه قد يتوقف : اسألي نوره بصوت منخفض : كنت تعرف اني احبك ؟؟ نواف ياخذ نفس عميق : يعني بس مو متأكد نوره : انا احبك نواف : وشووو نوره : احبك نواف : وشووو نوره : ههههههههه نواف : ماني مصدق نوره وهي مبتسمه : وليش نواف : مادري انا بحلم والا بعلم نوره : يمكن تحلم ضحكه جماعيه تستمر بعدها المكالمه الى الصباح | |||||||||
| |
|
07-22-2010, 04:41 PM
| #3 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم ** الجزء الثـالث ** مع شروق يوم ٍ جديد يعيش الأحباب من أجمل لحظات عمرهما نوره : نواف نواف : عيونه نوره : احبببببببببببببببببببببببببببببببببببببببببببك نواف : انا امووووووووووووووووووووووت فيك نوره : الله لايحرمني منك نواف : آآآآآآآآآمين ولايحرمني منك دقيقة صمت تقطعها نوره قائله : نواف الحين بسكر نواف : خليك معي شوي مابيك تبعدين عني حبيبتي نوره : نواف عيد آخر كلمه نواف : حبييييييييييبتي نوره : الله ماحلاها ... يلا استاذنك حبيبي نواف : انتبهي لروحك نوره : من عيوني نواف : تسلم عيونك نوره : باااي نواف : باااي طوط طوط ولكن هذه المره ليست كسابقاتها يعيش كلاً من نواف ونوره لحظات ورديه وهو يفكر في من يحب نواف يستلقي على السرير وعيناه مليئه بنظرات الأمل وينظر الى سقف غرفته نوره تنام على السرير بالعكس رجليها على وسادتها ورأسها على آخر السرير ((يحبني يحبني )) نواف ينهض من على سرير يمسك هاتفه المحمول ويكتب رساله **يقطع هدوء نوره نغمة رساله جوال نوره الرسائل الوارده =1 تفتح نوره الرساله وتجد "قالت احبك عيشتني بجنه قالت احبك والله ماني مصدق يابخت قلبي دام نوره تحبه يابخت قلبي دام نوره بقلبي نوره احبك يابعد روح روحي نوره يانور القلب والله احبك ياللي رسمتي لي معك حلم وردي والله احبك احبك احبك " ** جوال نواف الرسائل الوارده = 1 يفتح نواف الرساله ويجد "احبك" ثم يغط كلا منهما في سبات عميق تستمر المكالمات بين نواف ونوره لمدة شهر مليئه بكلمات الحب يعتبرونها أجمل ايام عمرهما الى ان أتى يوم الاربعاء الساعه الثانيه ظهرا ً يتصل نواف على نوره ترررررررن ترررررررررن نوره : هلا حبيبي نواف : هلا بعد عمري .. كيف الجامعه اليوم ؟؟ نوره : مثل كل يوم نواف : اوكي حبيبتي نامي الحين عشان الليله خميس أسهر معك للصباح نوره : انشاءالله نواف : باااي نوره : باااي طوط طوط طوط الساعه الحاديه عشر مساءً نواف يتصل على نوره تررررررررررن ترررررررررررن نوره : هلا حبيبي نواف : مرحبا يااقلبي نوره : تأخرت علي نواف : كنت معزوم نوره : غريبه ماقلت لي !! نواف : ليش انتي مو نايمه ؟؟ نوره : لا مانمت اليوم نواف : شلون تقولين بنام وماتنامين ؟؟ نوره : شسوي ماجاني نوم نواف : الله يعين دقيقة صمت نوره : زعلت ؟؟ نواف : لا نوره : ليش ساكت نواف : ماعندي شيء اقوله نوره : بس انا بقول لك شيء نواف بصوت منخفض : قولي نوره : أحبك نواف مبتسماً : وانا احبك يارووحي بس الليله بتجلسين معي شوي وبتنامين نوره : لاماعليك اللي يسمع صوتك مايجيه النوم نواف : ههههههههه الله لايحرمني منك نوره : آمين تستمر كلمات الحب والرومانسيه الى ان يقطعها صمت مفاجئ لنوره نواف : نوره ........ نواف : نووره حبيبتي وينك ..... نواف : نوووره وش فيك ساكته ..... نواف : نوره حرااام عليك خوفتيني عليك تكلمي يتعالى صوت نواف ونوره قد انهكها النعاس نائمه والسماعه ملقاه على وسادتها بجانب رأسها دلال تدخل الغرفه لتدعوا نوره الى مشاهدة فيلم هندي تجد نوره نائمه ولا تسمع سوى صوت نواف الذي يخرج من السماعه دلال وعلامات الدهشه على محياها تقترب ترفع السماعه نواف : نوووووووووووووره الله يخليك تكلمي قولي شيء دلال : من انت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ نواف لحظات من الدهشه وهو يسمع دلال تردد (( من انت ؟؟؟؟ )) (( من انت ؟؟؟؟ )) (( من انت ؟؟؟؟ )) (( من انت ؟؟؟؟ )) نواف غير مستوعب للذي حدث : نوره ؟؟ دلال : لااااااا من انت ؟؟ نواف يغلق الخط طوط طوط طوط دلال تنظر الى نوره التي استيقظت مدهوشه : كلمييييه يلااا كلميه حرام تخلينه ينتظر نوره : اكلم من ؟ دلال : خساره يانوره آخر شيء كنت اتوقعه والله لو انتي اللي قلتي لي ما أصدق ولا يمكن اصدق احد انا الحين مو مصدقه اللي اشوفه قدامي ثم تقذف دلال السماعه بعيدا ً وتخرج من الغرفه والدموع قد أغرقت عيناها نوره : دلال دلال : بطلع خذي راحتك نوره : دلال دلال تغلق الباب خلفها تجلس نوره على سريرها وتتصل على نواف تررررررررررن ترررررررررن نواف يفتح الخط ؟؟ نوره : نواف انا تورطت أختي عرفت اني اكلمك نواف : وانتي ليش يوم اكلم ماتردين ؟؟ نوره : مو وقته يانواف .. الحين انا فقدت ثقة دلال فيني انا كنت قدوه لها نوووواف اللي انكسر معاد يتصلح انا مصدومه بنفسي نواف : كله مني نوره : لا يانواف انا الغبيه اللي حطيت نفسي بهالموقف طول عمري وانا بعين دلال انسانه مثاليه بكل شيء خلاص يانواف ماقدر اتكلم اكثر من كذا .. نواف اتمنى تذكرني بالخير .. مع السلامه نواف يبقى صامتا نوره : مع السلاااااامه طوط طوط طوط طوط نوره تخرج من غرفتها متجهه الى غرفة دلال تدخل الغرفه دلال متمدده على سريرها نوره تجلس بجوارها على السرير نوره : دلال حبيبتي انا آآسفه دلال : ليش تتأسفين نوره انتي غلطتي بحق نفسك مو بحقي انا نوره : خلاااااااااص والله معاد أكلمه أهم شيء اكون نوره اللي عرفتيها ماتتغير بعينك دلال : لا خلاص صورة نوره الأولى مسحتها نوره بإبتسامة صفراء والدموع على وجنتيها : بترجع صدقيني يادلال دلال : ما أعتقد يانوره حتى لو معاد تكلمينه ماقدر انسى الموقف اللي اليوم تتجه نوره الى باب الغرفه بخطوات بطيئه متهالكه ورأسها الى الأسفل ولايسمع سوى صوت شهقاتها المليئه بالحزن دلال تنظر الى نوره وقد حن قلبها نوعا ما ولكن كلما تتذكر ان أختها وقدوتها تكلم شخص غريب يعود الغضب يسيطر على شعورها اتجاه اختها نوره تغلق الباب على نفسها يأتي وقت الغداء دلال تطرق الباب دلال : نوووره افتحي الباب دلال : نووووووره بلااااكسل دلال بعد ربع ساعه وهي تطرق الباب تذهب لتخبر والدتها دلال : يمه نوره مادري شفيها ماتفتح الباب ولا ترد علي العنود (( والدتها )) : أكيد نايمه ماشبعت نوم اتركيها _دلال ؟: لا يمه نوره حتى لو مانامت الا ساعه من اول ما اطق الباب ترد علي العنود تبدأ تأخذ الأمر بجديه وتذهب مع دلال العنود : نوووره افتحي وش فيك نوره : بناااام اتركوني دلال : افاااااااا نوره من اليوم اطق وانادي ماتردين علي الحين امي من اول مره العنود : ههههههههه امك ثم امك دلال : واختها ؟؟ نوره : قلت لكم مابي غداء اتركوني انام لو سمحتوا العنود : نوره وش فيك معصبه أول مره اشوفك كذا حتى يوم رسبتي بثاني ثانوي ماكنتي معصبه كذا دلال : هههههههههههههههههههههه يمه لاتذكرينها اول رسوب وآخر رسوب بحياتها نوره : دلال انتي قلتي اول رسوب وآخر رسوب حتى اللي اليوم اول وآخر مره العنود : اهاااا بينكم اسرار ؟! وانا امكم ماتعلموني دلال : اسرار هي ليش سموها اسرار عشان تكون بين اثنين نوره : بعد ان مسحت دموعها تفتح الباب وتنظر الى دلال نظرة إبتسامه مخلوطه بالإعجاب خلاص يمه روحي بنجيك انا ودلال تذهب العنود وتترك نوره ودلال نوره : تعالي ادخلي دلال : احمدي ربك ماعلمت امي كله عشان العيش والملح اللي بيننا نوره : هههههههه احنا اخوات تقولين عيش وملح دلال : طيب يا أختي العزيزه ابيك توعديني انك ماتكلمينه أبد نوره : وعد مجنونه انا ارجع أكلمه نوره تقول هذا الكلام وهي مقتنعه تماما انها لن تعود لتكرار غلطتها السابقه لن تكلم نواف دلال : احلفي نوره : انا وعدتك وتعرفيني ما أخلف وعدي دلال : ويمكن وعدتيه بشيء ؟؟؟؟؟ نوره تسرح وتتذكر الحوار الذي دوار بينها وبين نواف ******************** نواف : لاتتركيني نوره : وانت اوعدني ماتتركني نواف : وعد.. وانتي بعد اوعديني نوره : وعد **************** أثنا سكوت نوره ونظرات دلال تدحرج دمعه من عين نوره تدرك من خلالها دلال ان العلاقه ليست مكالمات فقط دلال : وعدتيه صح ؟؟ نوره : ايه دلال : ووعدتيني ؟؟ نوره وهي رافعة كتفيها : ايه دلال : وشو الوعد اللي وعدتيه ؟؟ نوره : اني ماتركه دلال : وانا وعدتيني انك تتركينه !! يعني بتخلفين وعدك لي والا وعدك له نوره : خلاااااااااااااااااااااااص دلال وربي تعبت اتركيني بروحي .. لووو سمحتي دلال : باتركك بس لو اعرف انك تكلمينه مره ثانيه صدقيني بقول لامي نوره : دلال تهدديني ؟؟ دلال : عشاني أخاف عليك نوره ......... دلال : نوره بخليك تكلمينه واكون راضيه عنك وما أقول لاحد نوره : تتطنزين ؟؟ دلال : لااااااااا اتكلم جد والله اتكلم جد بخليك تكلمينه نوره : شلون دلال : بسسسسسسسس بشرط | |||||||||
| |
|
07-22-2010, 04:42 PM
| #4 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم ** الجزء الرابع ** نوره : وشو الشرط ؟؟ دلال : تخليني أكلمه الحين نوره : وليييييييييييييييش ؟؟ دلال : اذا كلمته بتعرفين نوره : دلال انتي جالسه تبتزيني الحين دلال : صدقيني مابتندمين نوره : شلون ماندم واختي تكلم حبيبي ؟؟ دلال : حبيبك ؟! نوره : ايه حبيبي دلال : زدتيني شوق اني اكلمه نوره : شوق ؟؟؟؟؟؟؟؟؟؟ دلال : ماتلاحظين اني ماسألتك من متى تكلمينه نوره : غريبه فضولك هالمره ماشتعل دلال : ابي اسألك بس بعد ما أكلمه نوره : ماراح أخليك تكلمينه لين تقولين لي وش بتقولين له دلال : وانا مابقول لك الا بعد ما أكلمه نوره : خلاص انا مابخليك تكلمينه دلال : وانا بعد مابخليك تكلمينه ثم تخرج دلال من غرفة نوره وقبل ان تصل الباب تتوقف وتقول:- نوره لاتنسين انك وعدتيني ماتكلمينه ولاتنسين بعد انك لو كلمتيه بعلم امي نوره : تعالي دلال وهي رافعة رأسها : نعم نوره : دلال اول مره اعرف انك نذله دلال : اختك اللي تخاف عليك تقولين عليها نذله انا نذله صحيح لو تركتك تكلمينه على كيفك نوره : طيب انتي تقولين بكلمه والحين تقولين نذله لو خليتك تكلمينه .. دلال انتي بتقولين له لاتكلم أختي صح ؟؟ دلال : لا والله وانا قلت لك ماراح تندمين نوره بصوت يدعوا الى الشفقه : طيب دلال حبيبتي الله يخليك قولي وش بتقولين دلال بإصرار : مابي نوره بعد تردد : طيب أخليك تكلمينه دلال : هاتي تلفونك وروحي اجلسي بعيد عني نوره : دلااااااااااااااال انتي كذا تخوفيني ... ليش تبيني اكون بعيد عنك دلال : بس نوره : وربي أحرقتي أعصابي دلال : وانتي نشفتي دمي نوره : وربي أسود يوم بحياتي اليوم دلال وهي مبتسمه : ويمكن يكون أحلى يوم نوره : ما أظن .. وانتي شوي تطمنيني وشوي تخوفيني دلال : هههههههههههههههههههههههههههههههههههه نوره : اضحكي وش عليك دلال : تحسديني على الضحكه نوره : يووووووووووووووووووه وش بلاك معقده اليوم خلاص مابتكلم دلال : بتخليني أكلمه والا لا ؟؟؟؟؟؟؟ نوره : طيب طيب طيب دلال : طيب هاتي تلفونك تسلم نوره هاتفها المحمول وتنظر الى عيني دلال تريد انت تعرف ماذا تنوي أن تعمل دلال تمسك التلفون وتقول : وين رقمه ؟؟ نوره : مسجل باسم احلام دلال : هههههههههههههههههههههااي احلام .. احلام يعني فارس الأحلام احلىىىى نوره : يادمك دلال : يلااا ياشطوره روحي اجلسي على الكرسي نوره : الشكوى لله بروح بروح تأخذ نوره مكانها على الكرسى وأنظارها تتجه صوب أعين دلال وهي واضعه التلفون على أذنها تنتظر الرد ثم تلتفت دلال بسرعه الى نوره وتقول : بسسسسسسسسسسسرعه قولي وش اسمه نوره : نواف تررررررررررن ترررررررررن نواف الذي قد أنهكه التعب والإنتظار : هلا دلال والعرق يتصبب من جبينها خجلا : السلام عليكم نواف : من انتي ؟؟ دلال : انت نواف نواف : ايه انا نواف !!!! دلال : انا اخت نوره نواف بصوت عالي وهو خائف : وين نووووووووووووووووره دلال : نوره عندي الحين وتسمعني نواف : ابي اسمعها نوره فيها شيء ؟؟؟؟؟؟؟؟ دلال : لا مافيها الا العافيه .. نوره قولي نعم خليه يسمعك نوره : نعم دلال : سمعت ؟؟ نواف : وليش ماتكلمني ؟؟ دلال : يمكن يمكن تكون كلمة (( نعم )) اللي قبل شوي آخر كلمه تسمعها من نوره نواف : لييييييش وش فيها نوره فيها شيء ؟؟ دلال : اركد انت اركد مافيها الا العافيه ... بس عشان بقول لك كلام مهم الحين نواف بحيره وترقب : سمي دلال : انت تحب نوره ؟؟ نواف بلهفه : ايه دلال : والحب وش هدفه ؟؟ نواف : الحب ماله أهداف دلال : طيب وش نهايته ؟؟ نواف :انشاءالله ماينتهي دلال : يعني بتستمرون على هالحال ؟؟ نواف : اذا الله كتب دلال : وتعتقد اني بتتركم كذا بكيفكم ؟؟ نواف ....... دلال : جاوب نواف وقد احمر وجهه قبل ان يتكلم يسمع نوره تقول : دلاااااااااال وش هالكلاااااااام هاتي التلفون لو سمحتي واطلعي من غرفتي دلال : تطرديني يانوره ؟؟ تأخذ نوره التلفون من دلال نواف : نوررررررررررره خليهااااااااااااااا تكمل لاتورطنا نوره : من الصبااح جننتني ماعلي منها اللي تسويه تسويه دلال : وهي تبكي هذي آخرتها يانوره تطرديني من غرفتك نواف : نوره الله يخليك خليها تكلمني نوره : ماشاءالله تبي تكلمها الحين انت سامع اللي يصير وتدافع عنها دلال : تضحك والدموع قد أغرقت وجنتيها هههه مابي أحد يدافع عني بس انتي دافعي عن نفسك يانوره نوره : رجعنا للتهديد ؟؟ نواف : نوره اذا تحبيني خليها تكلمني نوره أحست بالخوف من ردة فعل دلال و سمعت كلام نواف ثم قالت : تعالي كلميه بس انا بطلع من الغرفه لاني ماقدر أتحمل اسمعك وانتي تكلمينه بالاسلوب ذا دلال : خلاص مابي اكلمه انتي طردتيني من غرفتك نوره بعصبيه : طيييييييييب ليش جالسه وانتي تقولين طردتك ؟؟ نواف : لاحووووووووول وبعدين معك نوره دلال : على قلبك نوره : يالله كلميه وخلصينا ثم تضع نوره هاتفها على السرير دلال تترك نوره حتى تخرج من الغرفه ثم تتجه الى السرير وتحمل الهاتف دلال : وش كنا نقول ؟؟ نواف : نسيت .. بس انتي ليش عصبيه كذا ؟؟ دلال : انا أخاف على اختي ؟ نواف : حتى انا أخاف عليها دلال : انا اخاف عليها منك .. وانت تخاف عليها من ؟؟؟ نواف : من كل شيء دلال : مابينفعك خوفك عليها لأني مستحيل اخلي أختي بخطر نواف : انا مصدر خطر ؟؟ دلال تصمت قليلا ثم تقووووووول : الزبده بقولها لك | |||||||||
| |
|
07-22-2010, 04:43 PM
| #5 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم ** الجزء الخامس ** نواف في حيره وترقب من جديد : سمي دلال : اذا تحب أختي تجي تخطبها ؟ نواف : شلون ؟؟ دلال : حب لعب مستحيل يصير لنوره ولايمكن أسمح ... تحب أختي تخطبها نواف : انا احبها والله احبها دلال : انا ما يهمني الكلام ابي اشوف افعال نواف : طيب وش اسوي دلال : انت رجال وتبي تخطب أكيد تعرف تتصرف نواف : بس دلال : لا بس ولا شيء اذا انت رجال صح وتحب نوره تسوي اللي قلت لك عليه .. وبسألك ممكن تجاوبني ؟؟ نواف : تفضلي دلال : ترضى أحد يلعب على خواتك والا وحده من قريباتك نواف : طبعا لا .. بس انا ما العب عليها دلال : واذا ماخطبتها ؟؟ نواف : بخطبها بس ماني عارف شلون ابدأ دلال : هذي مسؤوليتك .. نواف : الله يكتب اللي فيه الخير دلال : والحين هذا رقمي ((*********)) اذا قررت ونويت تخطتبها تتصل فيني .. ولو أعرف انك اتصلت بنوره والله لاخرب عليكم كل شيء وهي اذا اتصلت عليك لاترد عليها ولا حتى مسج نواف : بتحرميني منها ؟؟ دلال : المدّه انت تحددها ممكن تنحرم شهر او اسبوع او اسبوعين بكيفك .. بس لو كلمتها والله العظيم معاد اخليك تكلمها لو على روحي ولا حتى ترد عليها ولااااااااا مسج نواف : طيب انشاء الله دلال بابتسامه : اكيد أخذت فكره عني اني معقده نواف يجاملها ويقول : لا والله بالعكس نور تكلمت عنك .... دلال تقاطعه قبل ان يكمل كلامه : المهم نواف وهو يشعر بالحرج عندما قاطعت كلامه : سمي دلال : اذا عندك شيء تبي تقوله الحين قول لأنك معاد بتكلمها نواف : لا ابد سلامتك دلال : مع السلااااامه نواف : مع السلامه طوط طوط طوط تخرج دلال من غرفة نوره وهاتف نوره في يدها تذهب الى غرفتها تجد نوره في بإنتظارها نوره صامته لاتريد ان تشعر دلال بفضولها لمعرفة مادار بينها وبين نواف دلال : هااااااااااااااااي نوره نوره ونظرات الاستغراب في عينيها : هلا دلال : كيفك نوره : الحمدلله دلال ساخره : يرحمك الله نوره : دلال ماتلاحظين اليوم دمك خفيف بزياده !! دلال : عشاني مبسوطه نوره : وشو اللي مخليك مبسوطه ؟؟ دلال : لا ولا شيء نوره بعد ان وصل الفضول أعلى مستوياته : كلمتيه ؟؟ دلال : لا جالسه اتسمع fm نوره : وبعدييييييييين دلال ؟؟؟؟؟؟؟؟؟؟؟؟ تخرج نوره الى ان تصل باب الغرفه ثم تعود قائله : هاتي جوالي دلال : آآسفه نوره : وشووووووووووووووووو ؟؟ دلال : الجوال بيبقى معي لين بكره نوره : وليش ؟؟ دلال : كذا مزاج نوره : أقول هاتي الجوال دلال : اذا بتاخذينه غصب عني شدي حيلك وخذيه نوره : جوالي وباخذه دلال : شلون بتاخذينه نوره : يعني مابتعطيني ؟؟ دلال : بالطيب مابعطيك .. وبهواش امي بتسمع الهواش وبتجي وبتعرف السالفه نوره : طيب انتي وش تبين فيه ؟؟ دلال : بخليه معي نوره : هذي خصوصياتي دلال : خصوصيات والا خايفه أخطف حبيبك منك ؟؟ بس ماعليك اذا حبيبك يحبك مثل ماتقولين مابيخونك .. واذا خانك معي معناته مايستحق الحب .. اللي يخونك معي وانتي تعرفين اكيد بيخونك مع اللي ماتعرفينهم صح ؟؟ نوره : انا واثقه فيه دلال : وانتي واثقه فيني ؟؟ نوره : اكيد دلال : خلاص حليناها .. انتي واثقه فيني يعني عادي تتركين الجوال نوره : لين متى ؟؟ دلال : لين ارجعه لك نوره : يادمك دلال : هههههههههههه نوره : طيب عن اذنك تخرج نوره تبقى دلال هاتف نوره عندها حتى الساعه الواحده ليلا ثم تتصل على نواف تررررررررررن ترررررررررررن تررررررررررن تررررررررن تررررررن لم يتم الرد ثم ترسل رساله اللى نواف جوال نواف الرسائل الوارده = 1 " نواف حبيبي انا نوره رد علي " تعاود الإتصال مرة أخرى ترررررررن تررررررررررن تررررررررررررررررن تررررررررررررررن لم يتم الرد تبتسم دلال وتعرف ان نواف قد نجى من الفخ تنتظر قليلا ثم تذهب إلى غرفة نوره لتجد نوره كالجثه الهامده على سريرها دلال : هاااااااااي نواره نوره : وش تبين ؟؟ دلال : حبيبتي نوره امووووووووه على راسك لاتزعلين نوره : وش الحب اللي جاء فجأه ؟؟ دلال : نوره يلاااا عاد فكيها وابتسمي نوره : مافيه شيء يخليني ابتسم دلال : اشتقتي لنواف ؟؟ نوره عندما سمعت اسم نواف قالت بنبره مليئه بالشوق : نواف يااااااه تسأليني يادلال دلال : وربي يانوره احس بالحب اللي بقلبك له وانا مابوقف عائق لكم بس بسوي اللي فيه مصلحتك نوره : دلال قفلي على الموضوع دلال : وش أكثر شيء أعجبك بنواف ؟؟ نوره : كل شيء دلال : نوره شلون عرفتيه نوره والدموع تتدحرج على خدها تباعا ً تبدأ وتحكي القصه من البدايه دلال تقاطعها قائله : وربي تعاطفت معكم أكثر ... لحظه نوره شرايك الحين اسوي قهوه ونكمل السهره وتقولين لي كل شيء نوره بابتسامه : طيب تخرج دلال متجهة الى المطبخ نوره تفكر دلال وش غيرها ؟؟ تذهب نوره بسرعه الى غرفة دلال وتنظر الى هاتفها (( هاتف نوره )) تجد المكالمات الصادره احلام : الساعه 1 و1 دقيقه ... الساعه 1 و 3 دقائق نوره : يوووووووووووه اتصلت فيه وش تبي تعود نوره بسرعه الى غرفتها دون ان تحس دلال نوره قائله لنفسها : تكلمه وش تبي فيه ؟؟ تدخل دلال وكوبين من القهوه الساخنه في يدها وقليلا من الدونات دلال : تفضلي يا أحلى نوره نوره وهي مازالت لاتعرف معنى للذي تشاهده أمامها : شكرا دلال : كملي نوره وين وصلنا ايييييييه يوم أرسلتي له مسج تقولين تعرف عاصمة فنزويلا نوره تكمل القصه دلال وبعد ان وصلت الى هدفها الذي هو ان تعرف شفره مشتركه بين نواف ونوره تنتظر وهي تريد ان تنتهي نوره من سرد القصه دلال : نوره حبيبتي بنام الحين بس بصراحه قصتكم مؤثره بديت اتعاطف معكم أكثر نوره صامته وتقول في نفسها (( واااضح التعاطف )) دلال : آآسفه قلبت مواجعك نوره : اصلن هي مستمره مانتهت دلال : يلااا تصبحين على خير نوره : وانتي من اهله تذهب دلال الى غرفتها نوره وبخطوات هادئه تتبعها وتقف خلف الباب تقول في نفسها (( اول مره اتجسس بحياتي بس هالمره السبب يستااهل اتجسس احسن من يوم ابقى مغفله )) دلال تمسك هاتف نوره وتتصل على جوال نواف ترررررررررررررن ترررررررررررن ترررررررررررررررن لم يتم الرد ثم ترسل اليه رساله جوال نواف الرسائل الوارده = 1 " تعرف عاصمة فنزويلا ؟؟ " ثم تتصل بعد أقل من دقيقه ترررررررررن ترررررررررررن شخص مجهول يرد : هلا دلال : ليش رديت وين وعدك المجهول : اي وعد ترا انا مو نواف انا ولد عمه دلال : وين نو اف ؟؟ نوره تفتح الباب وأعصابها قد انهارت نوره : وين نوووووووووووووووواف يالحقيره ؟؟ وووين نووووووووواف وش تبين فيه ماعرفتي من بين هالعالم الا نووواف بتاخذينه مني تسقط نوره مغشيا عليها أمام مسمع من ولد عم نواف دلال تحضن نوره وهي تبكي نووووووووووره الله يخليك ردي علي دلال : نووووووووره ياقلبي ردي وافهمي القصه | |||||||||
| |
|
07-22-2010, 04:43 PM
| #6 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم ** الجزء السادس ** نوره ساقطه على الأرض لاتتنفس عيناها مغمضتين دلال تصرخ : نوووووووووووره ياقلبي ردي نواف قادما من الخارج يقابله ابن عمه وهو يحمل الجوال والخط مفتوح ودلال تصرخ نواف غير مدرك لما جرى : وش فيها نوره ؟؟ طلال (( ولد عم نواف )) : مادري اتصلت فيني وطاحت واختها تصيح عندها نواف وهو في حاله تشبه الإنهيار : طيب من سمح لك تفتح الخط ؟؟ دلال لازالت تصرخ : ياويلي انا شدخلني اتصل نواف : ياويلك يانووواف ياعذااابك يانواف نوره شفيها تخرج دلال وتحضر كوب ماء وترشه على وجه نوره نوره لم تستيقظ نواف لازال يصرخ ويبكي : نوووووووووووووووره ردي ياحياتي ردي دلال تغلق هاتفها وهاتف اختها وتستدعي امها العنود وعبد الرحمن يدخلان الغرفه وبناتهم ((نوره)) ممدده على الأرض و (( دلال )) تصرخ بأعلى صووووووووت نووووره نووووووره يتصل عبد الرحمن على الاسعاف تنقل نوره الى المستشفى وهي غائبه عن الوعي دلال لايسمع منها الا البكاء لاتتكلم في اليوم التالي تصحوا نوره وعندما فتحت عيناها وجدت والدها ووالدتها سألتهم : انا شفيني ؟؟ عبد الرحمن : هذي مشكلة السهر وقلة الأكل العنود : خلاص ثاني مره ناكلهم غصب وننومهم غصب نوره بابتسامه تخبئ وراءها حزن عميق : ابشروا .. بس وين دلال العنود : دلال تعبانه وبالبيت عندها خالتها نوره : ليش وش فيها ؟؟ العنود : من لقيناها عندك تبكي وتصيح ماتكلمت ولا قالت شيء نوره وقد اطمئنت انها لم تخبر اهلها بشئ : دلال خوافه أكثر من اللازم تتصل العنود على دلال تررررررررررن تررررررررررن دلال : تفتح الخط ولاتتكلم العنود : دلال نوره تبي تطمنك عليهاا دلال........ نوره : دلوووو حبيبتي لاتخافين علي انا مافيني شيء دلال ونظراتها تتجه الى خالتها التي بجوارها : حمدلله على سلامتك .. متى بترجعين للبيت ؟؟ نوره : الحين بطلع العنود : لا مو الحين بعد مايكتبوا لك خروج دلال : بجييييييييك الحين تدخل بعد نصف ساعه دلال الى الغرفه رقم 317 حيث ترقد ضحيتها وشقيقتها دلال تقف على الباب بدمعه وابتسامه ثم تتقدم بخطوات الندم باتجاه نوره تعانقها وتبكيان في مشهد من مشاهد الترابط الأخوي دلال : حمدلله على سلامتك ياقمر البيت نوره مبتسمه : لا الحين انا قمر المستشفى اذا صرت بالبيت قولي قمر البيت ضحكه جماعيه من العائله التي لم يخرجوا من المستشفى الا الساعه الثامنه مساءً وبرفقتهم نوره التي لم تتذكر من الاحداث سوى انها ودعت اختها عندما قالت : ((( تصبحين على خير نوره ))) تدخل دلال ونوره الى غرفة نوره نوره : دلال وبدون لف ودوران ابيك تقولين وش اللي صار دلال وقد ادركت ان نوره لاتتذكر ماحدث بالضبط في الليله المشؤومه : وش آخر شيء تذكرينه ؟؟ نوره : يوم قلتي تصبحين على خير دلال تكذب على نوره خوفا على صحتها وفي نيتها انها سوف تعترف لها مستقبلا ً : اجل مانسيتي شيء بس طلعت ورجعت لقيتك لاحركه ولا نفس نوره : ممكن تعطيني جوالي دلال : ابشري ثواني اجيبه تحضر دلال هاتف نوره نوره : دلال ممكن تتركيني بروحي دلال : طيب تخرج دلال من الغرفه نوره تتصل على نواف ترررررررررن ترررررررررررن نواف : نوره ؟ نوره : نواف حبيبي وحشتني نواف : نوره حبيبتي ترى مو انا اللي رديت على دلال كلمات نواف جعلت نوره تتذكر جميع ماحدث في هذه اللحظه ويتحول سكونها الى بركان : انت يالخاااااااااين تخونني مع اختي طوط طوط طوط تخرج مسرعة الى غرفة دلال نوره : دلاااااااااال دلال : وش فيك نوره ؟؟ نوره : يالحقييييييييييييييره ليش تكلمينه بتاخذينه مني ؟؟ دلال : هدي عشان اقول لك نوره تقترب مسرعه من دلال دلال تجلس بعد ان كانت مستلقيه على سريرها نوره تقف أمامها ويديها حول خصرها نوره : ابي اعرف هو وش قال لك ؟؟؟ وش اللي خلاه يتركني ويكلمك ؟؟ دلال : نوره الله يخليك اهدي واسمعي نوره: وش اسمع يادلال وش اسمع دلال : الله يخليك خليني أتكلم للنهايه وانتي احكمي نوره في لحظة ضعف واستسلام ودموع : بس أول احلفي ماتخبين عني شيء دلال : والله ماخبي عنك شيء انا ماكذب عليك يانوره نوره : واضح نسيتي انك اليوم كاذبه علي تقولين ((اجل مانسيتي شيء بس طلعت ورجعت لقيتك لاحركه ولا نفس )) ليش ماعترفتي يادلال انك انتي السبب دلال : والله العظيم كنت بقول لك بس عشان اليوم صحتك تعبانه قلت بقول لك بعدين نوره : بعدين متى ؟؟ المهم يلاه قولي دلال : انا قلت له لاتكلم نوره ولا ترد عليها واخذت جوالك عشان بختبره دخلتي انتي وانا ادق عليه رد علي واحد مو نواف سألت وين نواف انتي سمعتيني اقول كذا دخلتي وانتي معصبه نوره : تختبرينه ؟؟ العبي غيرها دلال : والله ماكذب عليك اسأليه ؟؟ نوره : انتي متفقه معه .. بس بسأله واشوف واذا انتم كذابين مصيري أعرف الحقيقه تتصل نوره على جوال نواف ترررررررررن ترررررررررررن تررررررررررررن تررررررررررن تررررررررررررن لم يتم الرد نوره : مايرد .. طيب انتي ليش ماتبينه يكلمني ولايرد علي ؟؟ دلال : قلت له اذا تحب اختي تجي تخطبها حب كذا ماعندنا نوره : ومن قال لك اني بوافق عليه دلال : مو انتي تحبينه ؟؟ نوره ............ دلال : ليش ساكته نوره : عندي طريقه بعرف منها كل شيء دلال : وش هي الطريقه ؟؟ نوره : هاتي جوالك وانا اقول لك ؟؟ دلال : ليش ؟ نوره : بكلمه من جوالك دلال تتذكر ان نواف يعرف رقم هاتفها : لا كلميه من جوالك واسأليه نوره : انا مابسأله دلال : اجل ليش بتكلمينه ؟! نوره : بشوف يرد والا لا دلال بذكاء : طيب عادي بيرد وش عرفه انه جوالي ؟ نوره : قولي والله مايعرف رقم جوالي ؟؟ دلال .......... نوره : ليش ماتحلفين ؟ دلال : وشوله احلف ماله داعي الحلف انتي مابتصدقين بكيفك نوره : لو انتي واثقه بتحلفين دلال بعد تردد : اهااااااا ذكرت انا قلت له لاتكلم نوره اذا قررت تجي تخطبها هذا رقم تلفوني كلمني عليه نوره بعصبيه : ليش ماقلتي لي من اول قبل شوي تقولين مايعرف رقم تلفوني ؟؟ دلال : كنت ناسيه نوره : احلفي انك كنتي ناسيه دلال تتخذ مبدأ خير وسيلة للدفاع الهجوم: يوووووووه معاد تصدقيني نوره خلاص مابحلف وانتي لاتصدقين مالي شغل فيكم انا اكلمه واحاول اتعرف عليه .. زييييييييين ارتحتي كذا نوره : ايه اعترفي من اليوم دلال : اقسم بالله كل اللي اسويه عشانكم وتشكين باختك .. اصلن انا غلطانه اني جالسه ادافع عن نفسي بس صدقيني يانوره لو صحتك تمام ما أدافع عن نفسي بس الحين عشان خايفه عليك .. والله يانوره ان هدفي بس اني اعرف هو يحبك جد والا بس يبي يلعب ويتسلىىى نوره : طيب هاتي جوالك بدق عليه واشوف دلال : طيب خذي وشوفي نوره تتصل بهاتف نواف تررررررررررررن تررررررررررررن ترررررررررررن نواف : هلا نوره : انت وش سويت لنوره ليش طلعت من غرفتها زعلانه ؟؟ نواف : انتي اختها ؟؟ نوره : ايه نواف وهو متأكد: لا انتي نوره والله انتي نوره | |||||||||
| |
|
07-22-2010, 04:44 PM
| #7 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم ** الجزء السابع ** نوره : ايه انا نوره اللي ماترد عليها وترد على اختها خلااااااااااااص معاد ابيك نواف : نوره نوره تغلق الخط طوط طوط طوط دلال واضعه كفيها على خديها وتنظر الى نوره نوره : خلاص كل شيء انكشف خذي كلميه خذوا راحتكم ماعلي فيكم بس اهم شيء لاتجيبين لي طاريه دلال : طيب تعالي نوره : بتسمعيني كذبه جديده .. اقول خذوا راحتكم والله ماسألك عنه تخرج نوره مسرعه من غرفة دلال دلال وهي جالسه على سريرها تفكر في جميع ماحدث (( غريبه نوره تغيرت كثير .. سمعتني كلام هاليومين ماسمعته منها طول عمري .. انا حظي نحس أتمنى لها الخير بس اتورطت الحين معاد تصدقني )) نوره في غرفتها دلال في غرفتها الساعه الثانيه عشر ليلا دلال تتجه مجددا لتحاول إقناع نوره دلال وحتى الصباح حكت جميع مادار بينها وبين نواف وجميع مادار بينها وبين نفسها من حوارات داخليه لتضع الصوره كامله امام نوره نوره تقتنع تماما وتحضن دلال وتبكيان جميعاً دلال : انا آسفه نوره : انا اللي آسفه انتي تتعبين عشاني وانا ماقدّرت هالشيء نظرت ابتسامه من الاختين في بعضهما ثم تعودان للمعانقه مرة ً أخرى وهاهي خيوط أشعة الشمس تدخل مع نافذة غرفة نوره معلنة صباح يوم جميل مع ابتسامة نوره المشرقه .. وابتسامة دلال النظره .. وفيروز تشدو ** حبيتك تـ نسيت النوم ياخوفي تنساني ...** صباح جميل الى ان تتذكر نوره نوره : بكلم نواف دلال بابتسامه : كلميه اتحدى اذا فاهم شيء من اللي حصل نوره تتصل على هاتف نواف ترررررررن تررررررررررررررن ترررررررررررررن ترررررررررررن لم يتم الرد مرة اخرى ترررررررن تررررررررررررررن ترررررررررررررن ترررررررررررن لم يتم الرد مرة اخرى ترررررررن تررررررررررررررن ترررررررررررررن ترررررررررررن لم يتم الرد تكتب رساله الى نواف جوال نواف الرسائل الوارده = 1 نواف يفتح الرساله " نواف حبيبي الله يخليك رد " تتصل نوره ترررررررن تررررررررررررررن ترررررررررررررن ترررررررررررن لم يتم الرد تكتب رساله ثانيه الى نواف جوال نواف الرسائل الوارده = 1 نواف يفتح الرساله " نواف حبيبي رد وانا بقول لك على كل شيء وربي صارت أحداث غريبه " تتصل نوره ترررررررن تررررررررررررررن ترررررررررررررن ترررررررررررن لم يتم الرد تكتب رساله ثالثه الى نواف جوال نواف الرسائل الوارده = 1 نواف يفتح الرساله " نواف سألتك بالله رد " تتصل نوره ترررررررن تررررررررررررررن ترررررررررررررن ترررررررررررن لم يتم الرد جوال نوره الرسائل الوارده = 1 نوره تفتح الرساله " انتي اهنتيني اكثر من مره آخرتها البارح تقولين مابيك وش تبين الحين " نوره : دلال تعالي شوفي اش كاتب دلال : معه حق يزعل .. بس اذا يحبك بيعذرك واذا مابيعذرك اعرفي انه بيستغلها فرصه عشان مايبي يخطبك نوره : اقول وخري عني انتي وفلسفتك اللي ماجابت لنا الا المشاكل دلال : هاتي خليني اكتب له رساله تهزه نوره مبتسمه : طيب بنشوف دلال تكتب الرساله جوال نواف الرسائل الوارد = 1 نواف يفتح الرساله " اللي سوته دلال عشان مصلحتنا وكل اللي صار غصب عني وانت اذا تحبني بتعذرني " نواف يكتب رساله جوال نوره الرسائل الوارده = 1 دلال تفتح الرساله " مافي شيء يخليك تتصرفين معي بهالأسلوب " دلال تبتسم نوره : هاتي اشوف يالملقوفه دلال بغمزه لنوره : خلاص بدأ يلين نوره : الله يستر دلال تكتب رساله جوال نواف الرسائل الوارده = 1 نواف يفتح الرساله " انت ليش ماتقدر الظروف؟؟ " نواف يكتب رساله جوال نوره الرسائل الوارده =1 دلال تفتح الرساله " وشهي الظروف ؟!" دلال تكتب رساله بسرعه جوال نواف الرسائل الوارده = 1 نواف يفتح الرساله " رد الحين وانا اقول لك " دلال مخاطبه نوره : دقي عليه الحين قبل مايكتب رساله واذا مارد ما أكون دلال تتصل نوره على هاتف نواف ترررررررن ترررررررررن نواف يرد ويبقى صامتأً نوره : السلام عليكم نواف : وعليكم السلام نوره : نواف حبيبي ممكن تسمع للنهايه نواف بصوت منخفض : طيب نوره تحكي لنواف جميع ماحدث من صباح اليوم الذي نامت نوره على هاتفها وعرفت دلال العلاقه بيتهما الى هذه اللحظه نواف يحاورها ويسألها بعض الأسئله نوره تجاوب بلباقه دلال مبتسمه : احم احم نواف : بس انا معاد احس بأمان نوره : ليش نواف : احس اني بفقدك بأي لحظه .. لانك كل ماصار موقف قلتي لاتكلمني .. و معاد ابيك .. و انسى رقمي نوره انا آسفه يانواف نواف : لاتقولين آسفه نوره : نواف صعبه تقول معاد احس بأمان نواف : غصب عني هذا كله نتيجة اللي صار نوره : شيء موبيدي ولا بيدك نواف : انا خلاص قررت قرار نوره : وشو ؟؟ نواف : بقول لاهلي على كل شيء وبخطبك | |||||||||
| |
|
07-22-2010, 04:45 PM
| #8 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم نوره : وش بتقول ؟؟ نواف : بقول لهم انا احب وحده وبخطبها .. لاني تعبت ماقدر اتحمل كذا نوره : تتوقع يوافقون نواف : ليش لا نوره : اوكي اللي تشوفه نواف : وانتي بعد قولي لأهلك .. مانبي نجلس على منة اختك كل شوي تهددنا نوره : وش اقول لهم نواف : اذا قلت لاهلي وصار كل شيء تمام اقول لك نوره رافعة كتفيها : اوكي اللي تشوفه نواف : نوره نوره : هلا نواف : احبك نوره : الله يانواف اشتقت لهالكلمه يحدث كل هذا ودلال جالسه تسمع كلام نوره وهي لاتعلم ماذا يدور بينهما نواف : وانا اشتقت لكل شيء فيك نوره نوره : احبك نواف : الحين الساعه 8 يمكن امي صحت باتصل عليها واشوف نوره : نواف اخاف انها مغامره نواف : لاماعليك نوره : الله يستر نواف : اوكي باااااااااااي ياحياتي نوره : باااااااااي ياعمري طوط طوط طوط دلال والفضول قد وصل أعلى مستوياته تقول وهي رافع حاجبيها : وش قال لك نوره : بيكلم امه عشان يخطبني دلال : مبروووك نوره : مبروك من الحين ؟؟ مابعد صار شيء دلال : هذي أهم خطوه نوره : انا خايفه دلال : وش خايفه منه ؟ نوره : انه مو مقتنع بس عشانك ضغطتي عليه دلال : لا اكيد مقتنع دامه يحبك نوره : لو جات منه احسن دلال : وبتنتظرين لين تجي منه ولو ماجات ؟؟ بتبكين وتتحطمين ويمكن يطلع يلعب عليك صح ؟؟ نوره : انا واثقه وأثناء هذا النقاش بين دلال ونوره نواف يتصل بوالدته ترررررررررن تررررررررررن تررررررررررن نواف : السلام عليكم مريم : وعليكم السلام هلا ياولدي مريم والدة نواف لها من الابناء8 منهم 6 أولاد ترتيب نواف بينهم الرابع الثلاثه الذين أكبر من نواف جميعهم متزوجون ويعيشون في جده نواف الوحيد الذي يعيش خارج جده ..البنات ((ليلى)) ترتيبها في العائله الثانيه متزوجه لها 3 ابناء تليها ((مها)) متزوجه أيضا قبل خمس سنوات ولكنها لم تنجب حتى الآن ... مريم والدتهم متعلمه تعليم متوسط متدينه حنونه مع أبناءها إلى اعلى المستويات تعيش مع ولديها الصغيرين لأن زوجها متوفي قبل عشر سنوات مستوى العائله المادي متوسط نواف يحظى باهتمام خاص من والدته لأنه الوحيد الذي يعيش بعيد عنها نواف : صباح الخير يا أمي كيف حالك مريم : صباح النور وينك أتصل ماترد علي ولا تتصل بعدها نواف انت فيك شيء ؟؟ نواف : لا يا أمي بس أكون نايم مريم : كنت تنام واذا صحيت ولقيت رقمي تكلمني نواف : خلاص آخر مره ما اعودها مريم مبتسمه : الله يخليك ياولدي نواف وهو يفكر ان يفاتح والدته بالموضوع : ها وش الاخبار مريم : والله مافي اخبار بس لقيت لك عروسه نواف وكأنه قد تلقى صفعه على وجهه لايستطيع ان يقول شيء سوى انه خاطب نفسه قائلا : وذا وقته وش الحظ النحس مريم : ايش فيك ساكت نواف : لا ولا شيء .. بس ما أبيها مريم : وانت عارف مين البنت يوم تقول ما ابيها نواف : ما عرفتها بس مابيها .. كذا مارتحت مريم : نواف انت ببالك احد نواف يشعر ان الفرصه قد جاءته : واذا ببالي بتخطبينها لي مريم : اكيد وانا عندي أغلى منك ؟ نواف : تخطبينها أكيد مريم : ايوه اروح لأمها الحين لو تبغىىى بس قول انت بنت مين ؟ من قرايبنا والا من جيراننا نواف والإحباط يعود له من جديد : لا تابع سبحانـ الله وبحمدهـ عدد خلقه ورضا نفسه وزنة عرشه ومداد كلماته 17-08-2008, 02:07 am رقم المشاركة : 43 (الظهور أولاً ) معلومات العضو ! الزين يفرض نفسه ! ♥ قـلــ طـفــ ــب ــل ♥ مشـ© البلوتوث ©ـرف إحصائية العضو إحصائيات الترشيحعدد النقاط : 1523787368 رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك -------------------------------------------------------------------------------- مريم : أجل مين ؟؟ نواف : مابي اتزوج مريم : حرام عليك ياولدي تفرحني والحين تقول ماتبغى تتزوج نواف يحس انه الوقت المناسب لمصارحة أمه : يعني انتي فرحتي يوم قلت ابيك تخطبين لي مريم : أكيد الوحده ايش تتمنى الا انها تشوف اولادها كلهم متزوجين وتشوف عيالهم قبل ماتموت نواف : الله يطول بعمرك يا أمي .. انا بقول لك على كل شيء مريم : قول نواف : انا احب وحده عندنا بالرياض وابي اتزوجها مريم والدهشه على محياها : تحبها ؟؟ نواف : ايه احبها مريم : يعني تكلمها تلفون ؟؟ نواف : طبعا أجل شلون احبها ! مريم : لاحول ولا قوة الا بالله تبغى تتزوج وحده بينك وبينها علاقه .. وحده زي هذي ماتصلح ياولدي نواف : يا امي انتي ماتعرفينها عشان تحكمين عليها مريم : ما أعرفها ولا أبغى اعرفها واذا تبغى تتزوجها اتزوجها بس لاتجيبها عندي ولا أبغى اشوفها نواف : وانا مابي غيرها مريم : حسبي الله عليهم اللي لعبوا بعقلك نواف : يا أمي ماني صغير يلعبون بعقلي مريم : الا صغير ولو انت كبير وعاقل ماتفكر التفكير هذا نواف : يالله يا أمي مع السلامه مريم : مع السلامه طوط طوط طوط نواف والأحباط قد سيطر على مشاعره يخرج من منزله ويذهب بسيارته ولا يدري في إتجاه يسير نوره تنتظر اتصال من نواف ليخبرها ماذا دار بينه وبين والدته نوره تنتظر وتنتظر نوره : دلال ماتلاحظين نواف تأخر دلال : ايه تأخر بس لاتكلمينه يقول متلهفه على العرس تبي تعرف الاخبار نوره : ياكثر فلسفتك دلال دلال : مو فلسفه بس لازم تحسبين حساب لكل شيء نوره : انا احب اتعامل بعفويه دلال : بس العفويه مو بكل وقت نوره : باتصل فيه دلال : كيفك بس انا قلت رأيي نوره تتصل بنواف ترررررررن ترررررررررررن ترررررررررن تررررررررررن لم يتم الرد مرة أخرى تررررررررررن ترررررررررن ترررررررن نواف : هلا نوره نوره :انت برىى ؟ ليش طالع من البيت نواف : أتمشى نوره : ها بشر كلمت امك ؟ نواف : لا شكلها نايمه نوره : يومها نايمه ليش ماكلمتني نواف : توقعتك نمتي نوره : انت تعرفني مانام قبل اتطمن عليك ... نواف انت مخبي شيء نواف : شيء مثل ايش ؟ نوره : اسألك وتسألني انا احساسي يقول فيه شيء بس مادري وشو نواف : بقول لك يانوره بس مو نهاية المطاف نوره : وشو نواف : كلمت امي وتقول بخطب لك من قرايبنا والا جيراننا مانبي وحده مانعرف اهلها نوره : والحل ؟ نواف : انا ماراح ايأس بحاول نوره : شلون بتحاول يعني بتغير رأي امك نواف : انشاءالله نوره : يلا ارجع البيت الحين وين رايح يالله صباح خير نواف : طفشت مالي نفس اجلس بالبيت نوره : نواف ارجع واذا وصلت البيت كلمني ممنوع مكالمات وانت بالسياره نواف يبتسم : طيب من عيوني نوره : تسلم عيونك مع السلامه ولا تسرع نواف : ولا يهمك مع السلامه طوط طوط طوط دلال : يتعذر بأمه ؟؟ نوره : نواف مايكذب دلال : كنت متوقعه انه اذا ماكان مقتنع بالزواج بيقول امي ماوافقت نوره : مصير الايام تبين لك ان نواف مايكذب دلال : ترى الايام اللي بتمر محسوبه من عمرك واذا شفته طولها معك معاد بخليك تكلمينه نوره : وبعدين مع التهديدات دلال مالك شغل بحياتي دلال : اذا شفتك بخطر مابخليك تضيعين قدام عيني ؟ نوره وقد أحمر وجهها : أضيع ؟! دلال : ايه اذا عنستي وانتي تنتظرينه هو يسحب فيك .. مو ضياع ؟؟ نوره : يسحب ؟؟ .. دلال انتي من وين تجيبين هالكلام دلال : انا ماعندي كلام زياده أقوله بس انا ماقدر اسكت وصدقيني بالوقت المناسب بتصرف ومايهمني شعورك اذا حسيت انك مخدوعه نوره : انا احب نواف ونواف يحبني واكيد بيسوي أي شيء عشاني دلال : الحب مو شرط .. أهم شيء شوفي هو يثق فيك والا لا ؟؟ وانتي تثقين فيه والا لا .. نوره انتي بأتفه سبب شكيتي فيني وانا واختك وشكيتي بحبيبك نوره : كنت مجنونه دلال : وبتبقين مجنونه اذا استمريتي عايشه بوهم .. امه ليش قالت له ابي اخطب لك من قرايبنا والا جيراننا ؟؟ اكيد عشانها ماتبيك حتى لو كان يبيك بيأثرون عليه وانا أعتقد انه مايبيك يقطع جدالهما اتصال من نواف تررررررن تررررررن نوره : نواف بقول لك شيء بس لاتزعل نواف : اول شيء السلام عليكم نوره : نواف انا مابيك تكلم امك عن خطوبه ولا شيء خلاص خلها تخطب لك اللي تبيها لك نواف : هذي حياتي نوره : وحياتي بعد معك 00 وماترضى اني أعيش بجحيم كل شوي هواش ومشاكل مع اهلك نواف : لحظه حبيبتي معي خط اخوي يتصل سعود يتصل بنواف (( سعود الشقيق الأكبر لنواف رجل أربعيني حليم ولكنه قوي الشخصيه ويعتبر هو رجل العائله الأول بعد وفاة والده له من الابناء ولدين وبنت )) تررررررن ترررررررررن نواف : هلا سعود سعود : السلام عليكم نواف : وعليكم السلام سعود : كيف حالك نواف نواف : الحمدلله تمام انت كيفك سعود :الحمد لله سمعت من امي كلام ابي اسمعه منك نواف : وشو الكلام سعود :انك بتتزوج وحده بينك وبينها علاقه ؟ نواف : ايه صح واحبها ومابي غيرها سعود : نواف انت تحلم .. متأثر بالافلام انت هذي حياه زوجيه ماهي لعب وحده امس تغازلها واليوم بتتزوجها اللي تكلمك يابو الشباب بتكلم غيرك الزواج بالعلاقات اللي كذا نهايته فاشل نواف : انت تعرفها الحين يوم تحكم ؟ سعود : يا خوووي هذا شيء واضح ومعروف وبعدين وحده زي هذي ماتصلح نواف : انا احبها سعود : بس محد من العائله بيرضى هالشيء نواف : هذي حياتي انا سعود: هي حياتك انت بس عيالك اللي بتخلفهم يحملون اسم ابونا واسم العائله ولا احد بيرضى ان وحده مثل هذي تربي عيالك اللي بيحملون اسم عائلتنا نواف والغضب قد وصل عنده الىأعلى مستوياته : سعود انا شايفك جالس تهزئ حبيبتي من اليوم سعود : وهذا اولها يانواف ترفع صوتك عليه عشان بنت نواف : انت ماترضى احد يقول عن بنتك هالكلام سعود : تخسىىى الله يعز بنتي عن هذي الاشكال نواف : انا الغلطان اللي اتكلم معك للحين سعود : ماعليه اصلن معاد بيصير بيننا تلفون نواف : يكون أفضل سعود : لأني بجيبك انقلك لجده تجي تعيش قدام عيني انت مانت رجال انت بزر يلعبون عليك بنات اول كنا نحسبك رجال وانت يبيلك متابعه مثل البزران نواف : مابنقل وبسوي الشيء اللي ابيه اصلن مايهمني رايك سعود : نواف انسى انك تتزوجها صدقني انسى بس امي لاتتعبها زياده والله يانواف ماتخذها وانا حي نواف : ايه ماباخذها وانت حي لانك انشاءالله باذن الله ماتقوم من مكانك مثل ماظلمتني وظلمت الانسانه اللي حبتني واخلصت لي سعود : ياشيييييييييييخ اي حب تتكلم عنه تحب زوجتك .. حب قبل الزواج مافي كله لعب ... نواف اصحى اصحى ترى وانا اخوك تحلم نواف : وانا اخوك .. غريبه ذكرت اني اخوك سعود : انا اعتقد الكلام معك مامنه فايده نواف معاد بتشوف غير أفعال نواف : سو اللي تقدر عليه مافي شيء يجي بالغصب سعود : حركه بسيطه اسويها والله ماتقدر تتزوجها لو تموت نواف : وش الحركه؟؟؟ | |||||||||
| |
|
07-22-2010, 04:46 PM
| #9 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم ** الجزء الثامن ** سعود : أكلم ابو البنت اقول له كلنا مانرضى ان نواف يتزوج بنتك نواف : ماتقدر لأني خلاص باقطع علاقتي فيكم ومعاد برد على أحد خلاص بعيش حياتي ما لأحد شغل فيني سعود: محد بيزوجك بدون مايعرفون أهلك .. وثاني شيء بجيك الرياض وابنقلك جده ياكثر الواسطات معارفي بالاتصالات كثير ومناصب عاليه نواف : محد يقدر ينقلني بدون طلب مني سعود : نشوف يانواف نواف : معاد برد على أحد ولا لي علاقه فيكم طوط طوط طوط نوره التي كانت تتصل بنواف أثناء مكالمته مع شقيقه تتصل الآن ترررررن ترررررررررن نواف بصوته المتكسر : هلا حبيبتي نوره : كيفك حبيبي وش فيه صوتك نواف : اخوي يقول ليش ماتتزوج من قرايبنا نوره : يعني نفس كلام امك دلال جالسه وتريد التدخل ولكن تقول في نفسها (( اصبر واشوف للنهايه )) نواف يغالط نفسه قائلا ً: بس هذي حياتي يابعد عمري ومصيرهم يقتنعون انا متفائل نوره : مو واضح التفاؤل من صوتك نواف : يالله حبيبتي بسكر الحين بارتاح شوي نوره :الله معك نواف بس لاتزعل أهلك عشاني ترى ما أستاهل اللي تسويه عشاني دلال تنظر الى نوره نظرات غضب وتقول : الا تستاهلين أكثر يانوره نواف : هذي دلال ؟ نوره : ايه في غيرها ملقوفه نواف مبتسما ً : سلميلي عليها نوره تحرك فمها يمين ويسار ثم تقول : انشاء الله نواف : وهي صادقه دلال انتي تستاهلين التضحيه حبيبتي نوره لو العالم كله يوقف قدامي صدقيني ماتخلى عنك انا احبك تعرفين اش معنى احبك؟! نوره : وانا بعد احبك نواف : يالله حبيبتي مع السلامه نوره بسرعه : نواف نواف : عيونه نوره وهي مبتسمه وبصوت منخفض مليئ بالحنان : احبك نواف : ايه كذا ترفعين معنوياتي واحس اني أقوى انسان نوره : انت اقوى انسان نواف : ياحياتي انتي نوره : ياروحي انت نواف : مع السلامه نوره : مع السلامه طوط طوط طوط دلال : ياحبكم للكلام الفاضي نوره : اي كلام دلال : احبك وش ذا الكلام الحين وقته نوره : انت اشعرفك دلال : اقول انتي مقطعك الحب ومانتي عارفه مستقبلك نوره : نواف مستقبلي دلال : الله يشفيك نوره : انا ماني مريضه دلال : انا ماني ضد الحب بس اذا زاد عن حدوده وأعمى الانسان عن مستقبله وحياته يصير مرض نوره : وانتي تبيني أعيش على مزاجك دلال : لا ياحبيبتي يانوره انا اشوف اللي الحب مو مخليك تشوفينه هذا مو معناه اني أعقل منك بالعكس انتي قدوتي بالحياه وانا أتعلم منك كل شيء نوره : يعني شلون ؟؟ دلال : انتي تحبين بقلبك بس الحب لازم يكون بالعقل قبل القلب نوره انا احبه بعقلي واشوف ان مافي احد بالدنيا افضل من نواف ؟ دلال : نوره انا عندي إقتراح مجنون نوره : وشو دلال : تقولين له انا انخطبت نوره : تبيني اكذب عليه ؟؟ دلال : كذبه فيها مصلحتك نوره : طيب وش الفايده دلال : عشان تخلينه يغار ويتحمس ويسوي المستحيل عشان يقنع اهله اذا هو صادق انهم رافضين نوره : انتي مو تقولين يلعب ؟؟ دلال : حتى لو يكون يلعب بيخاف انك تختفين من حياته فجأه.. بيتقدم لك عشان تبقين معه مو عشان تتزوجينه نوره : دلال انتي مجنونه تبينه يتزوجني وهو مو مقتنع فيني دلال : اذا خطبك بيصير شيء مفروض عليه بيقتنع غصب نوره : دلال انتي صاحيه ؟؟ اذا مو حبه اللي خلاه يخطبني عن قناعه مابيه دلال : الحب بروحه مابيخليه يخطبك صدقيني يانوره دامه يكلمك كل يوم ومستانس معك مايهمه بس اذا خاف انك تبعدين عنه بيسوي المستحيل عشان ماتبعدين نوره : انا مابضغط عليه واندم حتى مابيه يخطبني الا برضى اهله كلهم دلال : بس لاتقولين له بالبدايه كذا نبي نشوف جدّيته نوره : نشوف؟؟؟؟ دلال ماتلاحظين انك مشاركتني بكل شيء دلال : عشاني اشوف اللي ماتشوفينه قلت لك قبل هالكلام نوره : بس هذي حياتي دلال : مو انتي دايم تقولين ياحياتي يادلال خلاص انا حياتك وهذي حياتك يعني انا وحياتك واحد نوره تستفز دلال : لا الحين نواف حياتي تضحكان جميعا ويستمر النقاش بينهما بهدوء في اليوم التالي تجتمع عائلة نواف في منزل والدتهم جميع الأخوه والأخوات مجتمعون للتشاور في قضية نواف ترتيبهم من الأكبر **الأخ الأكبر سعود: متزوج له ثلاثة أبناء ولدين وبنت أسمر نوعا ما متوسط الطول عريض الجسم حليم ولكنه قوي الشخصيه ويعتبر هو رجل العائله الأول بعد وفاة والده **ليلى.. وهي ام لثلاثة أبناء جميعهم أولاد طيبه وحنونه ورأيها لايؤثر أي تأثير بالعائله.. الى انها م_حبوبه من الجميع لطيبة قلبها ويعتبرونها امهم الثانيه **مها .. متزوجه منذ خمس سنوات لم تنجب حتى الآن شخصيتها قويه وهي تعتبر المرأه الحديديه بالعائله طويلة القامه جسمها متوسط بيضاء البشره متوسطة الجمال شعرها اسود وطويل حاصله على الماجستير باللغه الإنجليزيه وتعمل معلمه ** سلمان .. متزوج ايضا وله ولد وبنت طويل القامه ايضاً وابيض وأصلع يتميز بشاربه الكثيف الذي يغطي على شفته العليا عنيد وحاد المزاج مثقف ويقضى أكثر وقته في القراءه يعمل في الخطوط الجويه تلقى تعليمه الجامعي في أمريكا حياته خارج المملكه اكسبته نظره مختلفه للحياة ** يوسف .. متزوج قبل سنتين له ولد واحد يعيش مع زوجته حياه هادئه قصير القامه عريض الجسم قليل الكلام ولا يحب ان يقحم نفسه في المجادلات ** نواف ** ماجد..اعزب يدرس في جامعة الملك عبد العزيز بجده ويعتبر الأخ والصديق لنواف يشبه نواف كثيرا في ملامحه وفي شخصيته الى انه متهور نوعا ما تلقى أكبر صدمه له عندما انتقل نواف للعمل في الرياض ** أحمد .. أصغر أفراد العائله يدرس في الصف الثالث الثانوي وسيم ومرح يحب الضحك وهو دلوع العائله ولايشاركهم الحديث كثيرا الا اذا كان فيما يخص الرياضه تتوسطهم والدتهم مريم عند إكتمال أفراد العائله يبدأ سعود بالحديث قائلا : شفتوا أخوكم نواف وش سوى سلمان ومها : وش سوى سعود: متعرف على وحده بالرياض مادري وش بينه وبينها والحين يبي يتزوجها سلمان : طيب وين المشكله ؟؟ مها : وشوووووووووووووووووووووووو ؟ سلمان انت تقول وين المشكله سلمان : ايه هذي حياته هو حر فيها اذا طلعت البنت من عائله تمام ومتربيه وش المانع سعود : هو كلمك قال لك شيء ؟؟ | |||||||||
| |
|
07-22-2010, 04:46 PM
| #10 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم سلمان : والله توني أسمع منك حتى يوم قلتوا اليوم الغداء عند أمي جيت ماني متوقع انكم بتتشاورون بموضوع مثل هذا.. سعود : عرفنا انه ماكلمك طيب وش فيك كذا من البدايه وانت ماسمعت شيء أعطيت رأيك سلمان : الرأي الاول والأخير لنواف صاحب الشأن مها : اقول سلمان دام هذا كلامك الله يخلف على عيالك مريم : ياعيالي انتم جايين تهاوشون هو انتم ماتجتمعون كلكم عندي الا بالعيد جايين تهاوشون ؟! سعود : يا أمي انتي وش رأيك مريم : مابغاه يتزوجها بس انتم لاتزعلونه حاولوا ترضونه بالطيب سلمان : ليش تتدخلون بحياته ؟؟ سعود : سلمان انت ماتحترم أمي ؟؟ سلمان : انا ما قلت لأمي شيء يزعلها بس هذا موضوع يخص انسان ماهو جالس معنا الحين ليش كل واحد يفتي على كيفه سعود : نواف بزر مجنون مايعرف مصلحة نفسه ماجد : سعوووووود.. نواف غايب لاتقول عنه بزر سعود : تعال عطني كف .. ههه والله حاله بنسكت احنا والبزارين يتكلمون سلمان : طيب ليش جامعنا وانت ما تبي البزران يتكلمون وبعدين ماجد رجال ومتعلم وماغلط عليك الحين بالعكس انتقد شيء خطأفيك انك تغتاب انسان غايب سعود : انت يا سلمان مايهمك بس والله لو ولدك اللي بيتزوج وحده كذا ماترضى انت من متى تهتم بأخوانك مها : صادق سعود سلمان انت من متى تدري عن نواف والا عن مشاكله ؟؟ بس جاي الحين تدافع عنه ... نواف مثل ما أبوي وامي ربوه حتى انا ربيته ماكان يهتم له بدراسته ومذاكرته الا انا ولا بخليه يضيع كذا سلمان : وحطيتوه بيضيع ليش اخونا مدمن مخدرات وانا مادري ؟ مها : أقسم بالله محد يحب نواف كثر ما أحبه انا واني اكثر وحده محترق قلبي على اخوي وانت ياسلمان والله ماهمك نواف عشان كذا تقول الكلام هذا ماجد : واضح الحب سعود : ماجد احترم اختك اللي اكبر منك وتكلم معها زين ماجد : انا ماقلت لها شيء ليلى : الحين انتم وش بتقررون أحمد : صح النوم يا أختى الكبيره هههههههههههههههه الجميع يضحك ولا يقطع ضحكهم سوى اتصال من سلمان وهو يقول : الووووووو نواف نواف : هلا سلمان سلمان : وش فيك زعلان ترى ماسويت لك شيء انا ههههههه اسمع ياخويه انا بجيك الرياض وماعليك لاتشيل هم بنشوف اذا طلعوا الناس اصل وفصل واخلاقهم زينه لاتشيل هم وانا اخوك سعودبصوت عالي يريد ان يسمعه نواف : والله مايفرح بها سلمان : نواف اكلمك بعدين فمان الله نواف : مع السلامه طوط طوط طوط سلمان : هي عناد الحين يوم تقول والله ماتفرح بها ؟؟ سعود: وانت ليش متصل فيه وحنا ماقررنا شيء مجتمعين عشان نتناقش وانت تتصل فيه وتأيده على خطاه ماجد : وانا بعد بتصل فيه واشجعه وبوقف معه للنهايه .. أحمد : حتي ليلى أكيد بتكلمه تسأله عن الجو بالرياض الجميع يضحك يوسف يتكلم اول مره : والحل ترى زوجتي ماعندها احد بالبيت تبون مني شيء الحين عموما اللي تقررونه انا معكم سعود :انا مابغير رأيي سلمان: هذي حياة نواف وقرارك فيها مابيغير شيء مها : الا بيغير وصدقني ياسلمان بخليكم تتعبون انت ونواف وبخرب عليكم بالنهايه دامني ماقتنعت احسن لكم لا تتعبون انفسكم سعود: وانا بعد عندي اكثر من اسلوب بس انا مابزعل امي سلمان : ها وش رأيك يا أمي مريم : انا الحين رأيي انكم تتصالحون سلمان يضحك : واحنا ماتهاوشنا هذا نقاش بيننا بس انتي تعرفين يا أمي العرب كذا يتناقشون أحمد: الإتجاه المعاكس ببيتنا اليوم سلمان: وليلى وش رأيها ليلى : نشوف البنت واهلها ونقرر سعود : ليلى ترضين ان اخونا يطيح الطيحه هذي سلمان : سعود انت محد معك برايك لانه تدخل بحياة انسان وكل اللي جالسين الحين اتحدى احد منهم يرضى انك تتدخل بحياته مها : ان ارضى اخوي الكبير اذا بيتدخل عادي ماجد قاصدا ً إغاضة مها : سلمان وين نسوي عرس نواف سلمان: والله مادري الرأي راي نواف سعود : والله ياماجد طلع لك صوت اقول روح ذاكر دروسك احسن لك ماجد : انت تبينا كذا دايم بدون صوت والصوت لك انت وبس .. سعود : لاتطول لسانك ياورع ماجد : انا ماطول لساني انا اقول رأيي ينهض سعود بسرعه ويتجه جهة ماجد ليلى الأخت الكبيره تقوم وتعترض سعود وهي تبكي : سعود عشاني لاتسوي له شيء سلمان بعصبيه وصوت عالي يسمعه الجيران : الولد لاتمد ايدك عليه لو ابوي الله يرحمه فيه والله ماتتجرأ تحاول تسويها الجميع ينظر لسعود بنظره سلبيه بعد كلام سلمان المؤثر ماعدا مها التي لازالت تؤيد مريم تبكي : خلاص خلاص بقول كلمه اذا تحبون امكم لاتردونها جميع الابناء ينظرون بإتجاه والدتهم | |||||||||
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أحــلى مأخلق ربي ..) روايةسعوديـة كــاملة تستحق القراءة | قمرهم كلهم | للروايات المكتمله | 103 | 09-02-2011 08:33 PM |
| |
العرض العادي
